Plantun de Prouvènço

Pèr coumpara dos planto d'encò nostre

Sagina glabra & Crataegus azarolus

Sagina glabra

Caryophyllaceae

Nom en français : Sagine glabre.

Descripcioun :
La sagino-liso es uno planto basso renadivo que trachis en mato dins li pelouso e li roucaio de mountagno. Lou noum latin èi pas trop bèn chausi que porto souvènt de péu sus li fueio e la cambo de flour. Es eisa de s'engana emé lis àutri Caryophyllaceae blanco de mountagno. Aregardas que i'ague cinq estile e cinq petalo à ounglet e de fueio primo emé uno souleto costo à la baso de la longo cambo de flour. Lou boursèu èi peréu di cinq partido.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 1 à 2 cm
Fueio : óupousado
Tipe bioulougico : Camefite
Cicle bioulougico : Planto renadivo

Gènre : Sagina
Famiho : Caryophyllaceae

Ordre : Caryophyllales

Coulour de la flour : Blanco
Petalo : 5
Ø (o loungour) flour : 5 à 15 mm
Flourido : Estiéu

Sòu : Si
Autour basso e auto : 1200 à 3000 m
Aparado : Noun
Remarco : Planto endemico (Aup e Apenin)
Juilet à setèmbre

Liò : Pelouso - Roucaio - Pisto d'esqui
Estànci : Subaupen à Aupen
Couroulougi : Ouroufito-Sud-Éuropo
Ref. sc. : Sagina glabra (Willd.) Fenzl, 1833

Argeiroulié

Crataegus azarolus

Rosaceae

Àutri noum : Argeroulié, Poumetié.

Nom en français : Azarolier.

Descripcioun :
L'argeiroulié èro proun planta à passa tèms proche dis oustau. Aro se n'en vèi d'eici, d'eila en ribo de champ e dins lis anciàni sebisso. Es un aubret un pau mai fort que l'acinié amé d'espinasso ; li ramo soun mens sarrado mai pus espesso. Flouris à la debuto de la primo e douno de fru roujo à l'autouno que ié dison lis argeirolo vo poumeleto.

Usanço :
"Qu vau d'argeirolo ?", èro la crido di marchand à Marsiho, coume lou raporto F. Mistral dins lou TdF. Aquéstis argeirolo an un goust que sèmblo un pau lou de la poumo e èron bèn mai manjado à passa tèms qu'à l'ouro d'aro. Es un fru de descurbi tourna-mai. Li fru e li fueio an li mémi prouprieta que l'acinié, estènt riche en anti-óussidant.